Петропавл тоғандарында балықтар ауа жетімсіздігінен қырылып қалған

ПЕТРОПАВЛ. 1 мамыр. Тоғандарда балықтардың жаппай өліп жатқаны жайлы саяжайшылар дабыл қағып,  экологтарды шақыртқан. Санитар мамандар судың құрамын зерттеп, жәндіктердің  уланудан емес,  ауа жетімсіздігінен қырылғанын анықтаған. Бұл туралы  облыстық экология департаменті хабарлады. Өлген балықтардың арасында  шортан, алабұға, тіпті  қоршаған ортаның жағымсыз құбылыстарына аса төзімді мөңке де бар. «Жүргізілген  сынамалардың қорытындысы бойынша су құрамы  нормаға сәйкес екені анықталды. Тұрғындардың  тоғандарға  зиянды қалдықтар тасталуы салдарынан қырылды деген жорамалдары расталмады.  Су жәндіктері ауа жетіспеушілігінен өлгені  белгілі болды»,–дейді экология департаментінің  жетекшісі Данияр Әлиев. Өмір Есқали. Дерек: Солтүстік Қазақстан облыстық экология департаменті. Сурет: egemen.kz