Фото: Ауылшаруашылығы министрлігі
Алқаптардағы шегірткені жоюға республикалық бюджеттен 4,2 млрд.теңге, ал Үкімет резервінен 3,9 млрд. теңге бөлінген.
Жауапты министрлік мәліметінше, уақытылы атқарылған жұмыстар нәтижесінде дақылдардың зақымдалуына, көрші мемлекеттердің аумағында шегірткелердің көші-қонына жол берілмеген.
Осы бағыттағы қорғаныс шараларына 2500-ден астам адам қатысып, 427 бүріккіш техника жұмылдырылған.
Пестицидтер мен химиялық өңдеу қызметтерін мемлекеттік сатып алу кезінде Үкімет резервінен қаражат есебінен 694,78 млн. теңге көлемінде үнемделген.
Үнемделген қаржыға 7 зерттеу дроны, 46 химиялық өңдеу дроны және 38 автомобиль сатып алынған.
Бұл техникалар шегірткелердің дамуы мен таралуын бақылап, дәстүрлі бүрку әдістерін атқару мүмкін емес жерлерде химиялық өңдеу үшін қолданылмақ.
