Қостанайдың футболдан әйелдер командасы Батыс Сібірден табыспен оралды

ҚОСТАНАЙ. 1 мамыр. Ресейдің Түмен облысының Ялугор қаласында әйелдер арасында шағын футболдан Батыс Сібір кубогы жолындағы жарыс өтті. Мұндай  үлкен турнирге алғаш қатысқан облыстың «Қостанай» командасы табыспен оралды. Бұл туралы ng.kz хабарлады. «Қостанай» командасы  өз тобында  үш кездесу өткізді. Оның екеуін жеңіп, біреуінен жеңіліп, плей-офф сериясында екінші орынға шықты. Финалға шығу үшін  «Рубин» командасымен тартысты ойын көрсетті.  Оларды 2:1  есебімен жеңді. Финалда қостанайлық қыздар алаң иелері «Атланта» командасымен кездесіп,  2:1 есебімен ұтты. Команда жаттықтырушысы Виктор ЧЕЧЕТ: «Команда өте жақсы ойнады. Мұның алдында Қорған қаласынан үшінші орынмен оралған едік», деді. «Қостанай» -- өңірдегі бірден бір  әйелдер футбол командасы. Олар күзде өтетін Ресейдің бірінші лигасына шақырылды. Нәзира Жәрімбетова. Дерек, сурет: ng.kz