Фото: Видеодан алынған кадр
Білім басқармасының мәліметінше, балабақша меңгерушісі және тағы екі қызметкер жұмыстан босатылған.
«13 қаңтарда Қандыағаш қаласының «Самал» балабақшасында жағымсыз оқиға болды. Таңғы асқа әдеттегідей, арпа ботқасы дайындалды. Жұмысшылар сынама алып, бірақ ештеңе таппады. Табақтарға салынғаннан кейін ботқадан жәндіктер табылды. Балаларға ботқа берілмеді. Болған оқиғадан кейін кейін балабақша меңгерушісі, медбике және аспаз жұмыстан босатылды», деді Ақтөбе облысы білім басқармасы басшысының м.а. Нұргүл Бертілеуова.
Естеріңізге сала кетейік, әлеуметтік желіде құрт-құмырсқаға толы ботқаның видеосы тарады. Ақтөбе облысы Мұғалжар аудандық білім бөлімі қазір балабақшада тексеру жүріп жатқанын хабарлады.
