Фотолар: Ақтөбе облысы әкімдігінің баспасөз қызметі
Әлия Молдағұлованың қаза тапқан күні – ел тарихында батырлықтың, отансүйгіштіктің, қайсар рухтың мәңгілік белгісі ретінде сақталып келеді.
Жастар, қоғам қайраткерлері, ардагерлер, қала тұрғындары Алматы ауданындағы Шернияз көшесінде орналасқан батырдың бюстіне гүл шоқтарын қойып, ерлігін еске алып, тағзым етті.
Ақтөбе облысы әкімдігінен мәлім болғандай, жиынға қатысушылар Әлия Молдағұлованың ерлігі – бүгінгі және келер ұрпаққа ұлы өнеге екенін атап өтті. Аталған шара ел жастарының бойында патриотизм сезімін нығайту мақсатында ұйымдастырылды.
Батыр қыздың есімі қазақ халқының жадында мәңгі сақталатыны анық.
