Фото: Polisia.kz
2024 жылдың қазан айында Қостанай қаласының тұрғыны Instagram желісінде инвестиция салудың тиімді жолдары туралы жарнамаға қызығушылық танытып, әуелі 100 АҚШ долларын аударған. Көп ұзамай, «кеңесшілер» одан түрлі салықтар мен алымдарды төлеуді талап етіп, әйелді қосымша қаржы салуға көндірген.
Polisia.kz ақпаратынша алаяқтар оның сеніміне кіріп, бірнеше банктен несие алуға мәжбүрлеген. Осылайша, ол алаяқтардың есепшотына 21 миллион теңгеден астам қаражат аударған. Аталған факті бойынша аса ірі көлемдегі алаяқтық дерегі бойынша қылмыстық іс қозғалды. Күдіктілердің орналасқан жерін анықтау және оларды ұстау бойынша жұмыстар жалғасып жатыр.
