«Қазіргі таңда Көкшетау, Семей, Өскемен қалаларында 2032 жылға дейін кезең-кезеңімен іске қосылатын үш ЖЭО салу жобалары жүзеге асырылып жатыр. Сондай-ақ бұл жылу электр стансалары «Самұрық-Энерго» АҚ мен «Самұрық-Қазына» АҚ еншілес компанияларына тиесілі болады», делінген министрліктің хабарламасында.
Ведомствоның мәліметінше, Көкшетаудағы жылу электр орталығы 2029 жылы, Өскеменде 2031 жылы, Семейде 2032 жылы толық іске қосылады.
Бұған дейін Қызылордада құны 215 миллиард теңгеге жылу электр орталығы салынып жатқаны хабарланған еді. Қазақстан жылу электр станциялары мен коммуналдық шаруашылықты жаңғыртуға 20 миллиард доллар инвестиция тартуды жоспарлап отыр.
