Павлодарда онкологиялық диспансердің құрылысы бір жылға шегерілді

ПАВЛОДАР. 5 ақпан. Павлодарда салынатын онкологиялық диспансердің құрылысы тағы да бір жылға шегерілді. Бұл туралы egemen.kz тілшісі хабарлады. Бас дәрігері Мұрат Сүлейменовтің айтуынша, негізінен жобалық-сметалық құжаттамалар дайын. Құрылысты бастауға мемлекеттік сәулет-құрылыс бақылау басқармасының рұқсаты да бар, алайда, қаржылық жағдайға байланысты құрылысты шегеруге тура келіп отыр. Дегенмен, қазіргі диспансердің жаңа ғимарат салынып біткенше ешқандай қиындық келтірмейтіні анық. Мамандар жеткілікті. Жалпы, өңірімізде болжам бойынша, биыл қатерлі ісікке шалдығу көрсеткіштері 11-20 пайызға артыпты. Обырға шалдығу көрсеткіші 100 мың тұрғынға шаққанда 30,5 пайызды құрады. Облыстық денсаулық сақтау басқармасының мәліметінше, өткен жылы өңірдегі онкологиялық диспансердің тізімінде 9500 адам тұрған. Ал, жыл сайын өңірде 2 мыңға жуық адам осы дертке шалдығатын көрінеді. Фарида Бықай. Дерек: egemen.kz. Сурет: remarka.kz.