Спорт • 26 Қаңтар, 2025

Қазақ сумошысы Жапониядағы жарыста үздік үштіктен көрінді

199 рет
көрсетілді
1 мин
оқу үшін

Қазақ сумошысы Ерсін Балтағұл Токиода өткен Хацу бащёның ең жоғарғы алаңы Макучи дивизионындағы жарыста үздік үштіктен көрінді, деп хабарлайды Egemen.kz.

Қазақ сумошысы Жапониядағы жарыста үздік үштіктен көрінді

Ерсін сумода Кинбозан Харуки атымен күреседі. Жылдың алғашқы жарысын отандасымыз сәтті бастады. 15 күн ішінде 13 қарсыласын ұтып, 2-не жол берді. Соңғы жарыс күніне дейін көш бастап тұрды.

Соңғы жарыс күні қорытындысы бойынша Кинбозан секілді нәтижеге моңғол Хошорю Бямбасүрэн мен жапон Охо Коносуке де қол жеткізді. Нәтижесінде үш спортшы өзара күресіп, үздікті анықтады.

Айналмалы жүйеде өткен чемпиондық белдесуде Ерсін екі қарсыласына да есе жіберіп алды. Моңғол балуаны чемпион атанып, сумоның ең жоғарғы атағы Ёкозуна дәрежесіне қол жеткізді. Бұл атаққа ие болған 6-шы моңғол сумошысы атанды.