Фото: Ашық дереккөз
Reuters агенттігінің хабарлауынша, егер Юн Сок Ёль кінәлі деп танылса, көп жылға бас бостандығынан айырылуы мүмкін.
«Президент елдің бұрынғы қорғаныс министрі Ким Ён Хён және басқа азаматтармен 2024 жылдың 3 желтоқсанында қарулы қақтығыс белгілері болмаса да, елде заңсыз әскериі режим енгізу арқылы бүлік шығарды», деп айыптады прокурорлар.
Бұрын бас прокурор қызметін атқарған экс-президент қамауға алынғаннан бері жеке камерада отыр.
Естеріңізге сала кетейік, 2024 жылы 14 желтоқсанда Ұлттық ассамблея (парламент) Юн Сок Ёльға импичмент жариялады. Ол соғыс жағдайын енгізу арқылы бүлік шығаруға әрекеттенді және билікті асыра пайдаланды деген айыптаулармен тергеуге дейін қызметінен уақытша шеттетілген.
