Ақтауда үш түрлі есірткі қолданған жүргізуші ұсталды

АҚТАУ. 5 ақпан. Ақтауда бірден үш түрлі есітркі түрлерін қолданған жүргізуші қолға түсті. Бұл туралы egemen.kz тілшісі хабарлады. Құқыққорғау орындары қызметкерлерінің кезекті тексерісі кезінде қала көшелерінің бірінен тоқтатылған көліктің жүргізушісі инспектордың көңіліне күдік тудырған. Ол 20 жастағы Дағыстан азаматының бойынан есірткі және психотроптық заттардың әсерін байқаған. Дәрігер қорытындысы жүргізушінің героин, марихуана және елімізде есірткі заты ретінде саналатын трамадол қолданғанын анықтады. Дәрігерлер трамадолдың тек қатты сынық кезінде және отадан соң ауруды басу үшін қолданылатындығын айтады. Қолданған адамды ұйқы басып, баяулау және эйфория пайда болады. Құқық қорғау орындарының мәліметінше, қазір күдікті жүргізушіге қатысты әкімшілік хаттама толтырылған, іс сотқа жолданбақ. Гүлайым Шынтемірқызы. Дерек: egemen.kz. Сурет: «Лада.kz».