Президент • 28 Қаңтар, 2025

Көмек шын мұқтаж адамдарға берілуі тиіс – Президент

187 рет
көрсетілді
1 мин
оқу үшін

Президент Үкіметтің кеңейтілген отырысында әлеуметтік көмек шын мұқтаждарға жетуі тиістігін баса айтты, деп жазады Egemen.kz.

Көмек шын мұқтаж адамдарға берілуі тиіс – Президент

Фото: egov.kz

Президент Үкіметтің әлеуметтік көмек мәселесіне келгенде тым сақтық танытып жатқанын айтып, десе де, нақты ұсыныстар мен оны шешу жолдарын қарау қажет екеніне назар аударды. 

«Қазақстан – шын мәнінде әлеуметтік мемлекет. Бірақ бұл – азаматтарымыздың, әсіресе, өскелең ұрпақтың еңбек етуге ынтасын азайтып, оларды масылдыққа үйрету деген сөз емес. Қазақстанға көрші елдерден жүз мыңдаған еңбек мигранты жұмыс іздеп келіп жатыр. Олардың бұл әрекетін құрметке лайық деуге болады. Себебі олар отбасына нәпақа табу үшін жұмыс істегісі келеді», деді Президент. 

Мемлекет басшысы тұрғын үй қорын басқару жүйесін жаппай реформалау маңызды міндет екенін атап өтті. 

«Қала құрылысын жоспарлаудан бастап, нысандарды пайдалануға беруге дейінгі барлық үдерісті цифрлық форматқа толық көшіру қажет. Бірыңғай ақпарат жүйесін жыл соңына дейін әзірлеу керек. Біз былтыр тұрғын үй құрылысы бойынша рекордтық көрсеткішке қол жеткіздік (19 млн. шаршы метр). Бұл – өте жақсы. Бірақ тұрғын үйдің санына емес, сапасына және оның қолжетімді болуына баса назар аударған жөн», деді Қасым-Жомарт Тоқаев.