Марқұм қыздың ата-анасына алғаш рет бес айыпталушының үкіміне қатысуға рұқсат берілді.
Апелляциялық сот іс бойынша басты айыпталушыны өмір бойына бас бостандығынан айыру туралы үкім шығарды. Бұған дейін бірінші сатыдағы сот оны 20 жылға бас бостандығынан айырған болатын. Тағы бір айыпталушы 16 жылға, қалғандары 13 жыл 6 айға және 13 жылға бас бостандығынан айырылды. Бірінші сатыдағы сот оларды 8,5 жылға бас бостандығынан айырған еді.
Жәбірленуші жаққа 19 618 415 теңге материалдық шығын және 30 миллион теңге моральдық шығын өндірілді.
Айта кетейік, бұған дейін Ақтауда бір топ ер адам қызды көлікке күштеп отырғызып, зорлық-зомбылық көрсетіп, есірткі қолдануға мәжбүрлеген. Мұндай қорлыққа шыдамаған қыз өткен жылдың мамыр айында өз-өзіне қол салған.
