Ғаламшардың ең әдемi халқы – қазақстандықтар!

Әлем бойынша 200-ге тарта мемлекет тұрғындарының суреттерін сарапқа салған АҚШ-тың Ұлттық географиялық қоғамы  қазақстандықтарды жаһанның ең көрікті халқы деп таныды. Nur.kz сайты хабарлағандай, аталған қоғамның сарапшылары астаналықтар мен алма­тылықтардың арасынан  100-ге жуық адамның фото­суреттеріне көңіл аударып, осының негізінде зерттеу жүргізіпті. Сондай-ақ, олар интернет арқылы сауалдама ұйымдастырған. Ал оған қатыс­қан 3 мыңға жуық азаматтың ба­сым бөлігі қазақ­тарды рең-басы келісті ұлт деп санайтындарын білдірген. Зерттеу тобының төрағасы Даллес Скули: «Бұл – сирек кездесетін сараптама. Өйткені, фотосуреттерді танымал желі Facebook арқылы қарапайым халық бағалады. Олардың бағалары да әртүрлі болды», депті. Сонымен, сараптама нәтижесінде 4,67 коэффициентті дауыс жинаған қазақстандықтар көш бастаса, 4,63 коэффициентпен бразилиялықтар екінші орыннан көрінген. Одан кейін­гі орындарды кубалық­тар, италиялықтар және испа­ниялықтар өзара бөліскен. Айта кетейік, отандас­тары­мыздың келбеті Жаңа Гвинея тұрғындары мен Еуроодақ елдерінің азамат­тары­на көбірек ұнаған көрінеді. Бұдан бөлек, Азияның оңтүстік-шығысындағы елдер де жер­лестеріміздің әдемілігін айтып, интернет арқылы өз дауыстарын беріпті. Жолдыбай БАЗАР, «Егемен Қазақстан».