Фото: Ашық дереккөз
Ведомствоның хабарлауынша, тәртіп бұзушылар арасында 9 басшы, 248 жаттықтырушы және 21 басқа да қызметкерлер бар. Мұндай жағдайлардың ең көп саны Түркістан облысында (44 жағдай), Атырау (30), Алматы (26), Жамбыл (22) және Ақмола (20) облыстарында тіркелген.
«Мысалы, Астана қаласында олимпиадалық резервтің балалар-жасөспірімдер спорт мектебінің басшыларының бірі жоғары білім туралы жалған дипломмен жұмыс істеген. Оның оқу барысында басқа спорт ұйымында нұсқаушы қызметін атқарғаны анықталды», деді Данияр Бигайдаров.
Қабылданған шаралар аясында 250 жеке тұлғамен еңбек шарты бұзылған. Ал, қалғандарын жұмыстан босату мәселесі тергеу нәтижелері бойынша шешіледі.
«Мұндай тәуекелдерді жою мақсатында Агенттік Туризм және спорт министрлігі мен әкімдіктерге алдағы уақытта мұндай оқиғалардың алдын алу бойынша тиісті ұсыныстар берді. Бұл бағыттағы жұмыстар әлі жалғасып жатыр», деді Сыбайлас жемқорлыққа қарсы қызметтің ресми өкілі.
