3 ақпанда Түркістан облысының Кентау-Түркістан тасжолының 5-шақырымында Ауди маркалы екі бірдей көліктің қатысуымен жол апаты орын алып, соңынан өрт шықты.
- Алдын ала мәліметтер бойынша жеңіл көліктердің бірінің жүргізушісі қарсы жолаққа шығып, екіншісімен соқтығысқан. Апат салдарынан 6 адам қаза тауып, 4 адам түрлі дене жарақаттарымен Кентау қаласының медициналық мекемесіне жатқызылды, - деді Түркістан облысы ПД баспасөз қызметінде.
Қазіргі уақытта оқиғаның барлық мән-жайлары анықталып, сотқа дейінгі тергеу амалдары жүргізіліп жатыр. Оның нәтижесімен процестік шешім қабылданатын болады.
Түркістан облысының полиция департаменті жүргізушілерді жол ережесінің талаптарын сақтауға, жылдамдықты асырмауға және қарсы жолаққа шықпауға шақырады.
