Елімізден аттанған басқа да арнайы бөлімшелер – «Арыстан», «Сардар» және «Арлан» – үздік ондыққа кірді. Сондай-ақ жарысқа алғаш рет «Томирис» әйелдер командасы қатысты, оның құрамында еліміздің күш құрылымдарының үздік қызметкерлері бар.
«Бұл арнайы жасақтар үшін өздерінің дайындықтарын көрсетуге тамаша мүмкіндік. Мемлекет басшысының және Үкіметтің қолдауының арқасында оларға үлкен көңіл бөлінеді. Олар арнайы жабдықтармен, қару-жарақпен қамтамасыз етілген және лаңкестікке қарсы операцияларды сәтті өткізу үшін күшейтілген дайындықтан өтеді», деді Ішкі істер министрінің орынбасары, Ұлттық ұланның Бас қолбасшысы Әнсаған Балтабеков.
