ҚР Көлік министрінің міндетін атқарушы «Ақтөбе – Ресей Федерациясының шекарасы (Орынборға) республикалық маңызы бар жалпыға ортақ пайдаланылатын автомобиль жолының учаскесін ақылы негізде пайдалану туралы» бұйрыққа қол қойды.
Республикалық маңызы бар ІІ санаттағы жалпыға ортақ пайдаланылатын автомобиль жолының Ақтөбе – Мәртөк – Ресей Федерациясының шекарасы (Орынборға дейін) учаскесі ақылы жолға айналды.
Ақылы жолдың ұзындығы 82 шақырым 692 метр, жолақ ені 3,75 метрден кем емес.
Жол жүру құны келесідей болмақ:
16 орындық автобустар мен жүк көтерімділігі 2,5 тоннаға дейінгі жүк көліктері үшін алдын ала төлем 515 теңге, кейінгі төлем 600 теңге;
32 орындық автобустар мен жүк көтерімділігі 5,5 тоннаға дейінгі жүк көліктері үшін алдын ала төлем 1 220 теңге, кейінгі төлем 1 038 теңге;
32-ден астам орындық автобустар мен жүк көтерімділігі 10 тоннаға дейінгі автопоезд үшін алдын ала төлем 1820 теңге, кейінгі төлем 1544 теңге;
Жүк көтерімділігі 10 тоннадан 15 тоннаға дейінгі жүк көліктері үшін алдын ала төлем 2 440 теңге, кейінгі төлем 2 078 теңге;
Жүк көтерімділігі 15 тоннадан асатын жүк көліктері үшін алдын ала төлем 3 040 теңге және кейінгі төлем 2 583 теңгені құрайды.
Айта кетейік, жеңіл көліктер үшін жол құны тегін болады.
