Фото: ашық дереккөз
Бұл туралы Кремль басшысы Санкт-Петерубргтегі «Радар ммс» ғылыми-өндірістік кәсіпорнына барған кезінде тілшілерге берген сұхбатында айтты.
Президент басқосуда талқыланған басты тақырыптың бірі Украинадағы жағдай болғанын атап өтті. Бұдан бөлек тараптар Таяу Шығыстағы ахуал, экономика, энергетика және ғарышты игеру мәселелері қозғалғанын жеткізді. Владимир Путин Мәскеу мен Вашингтондағы екі ел дипломатиялық миссияларының жұмысын қайта қалпына келтіру шешімін де құптайтынын білдірді.
«Келіссөздің мақсаты - Ресей мен АҚШ қарым-қатынасын қалпына келтіру. Екі ел арасындағы сенім деңгейін арттырмайынша, Украинадағы жағдайды реттеу сынды күрделі мәселелерді шешу мүмкін емес. Телефон арқылы сөйлескенде Дональд Трамп келіссөздерге Ресей де, Украина да қатысатынын айтқан. Ешкім Украинаны шеттеткен жоқ. Америка президентімен кездесу үшін біздің командамыз екі жаққа да маңызды сұрақтарды дайындау керек. Бұл қос тарап үшін тиімді шешімдер қабылдауға қажет. Ал ол оңай шаруа емес», деді В. Путин.
