Фото: Oqu-agartu ministrligi
Мемлекет басшысының тапсырмасы бойынша құрылған Қор жемқорлардан тәркіленген қаражат есебінен толықтырылып келеді, негізгі мақсаты білім беру ұйымдары үшін жаңа ғимараттар салу, кеңейту арқылы апатты мектептерді және орын тапшылығын жою.
«Мемлекет балалар үшін қолайлы жағдай жасауға ерекше көңіл бөліп келеді. Бүгінде 74,4 мың орындық 61 мектеп пайдалануға берілді, оның 29-ы ауылдық елді мекендерде орналасқан», деп атап өтті Инфрақұрылымды дамыту департаментінің басқарма басшысы Жайық Махсутов.
Сала министрлігінің баспасөз қызметінің мәліметінше білім беру инфрақұрылымын қолдау қорының есебінен 100 мыңға жуық оқушы орнына арналған 89 мектептің құрылысы қаржыландырылған.
2024 жылы заманауи құрал-жабдықтармен жабдықталған 25 мектеп салынған, басым бөлігі Астана қаласында және Маңғыстау, Алматы, Жамбыл облыстарында орналасқан.
