Пойыз электр қуатымен жүреді. Біржолақты теміржол желісі бақша ішінде төселген. Пилотсыз, қашықтан басқару арқылы жұмыс істейді. Жүк тасуға арналған бірнеше тіркеме арбасы бар, олардың әрқайсысына 200 келіге дейін жүк артуға болады. Ең басты артықшылығы – таулы аймақтағы ойлы-қырлы алқаптарда жүруде оңайлығы.
«Мэндин қаласында 93 мың гектар жерге осындай пойыздар қызмет етеді. Мұнда жыл сайын 480 мың тонна өнім жиналады. Таулы аймақтағы фермерлердің жұмысын жеңілдету үшін осындай шағын пойыздардың қолданылу аясын кеңейту жоспарлануда. Қазіргі уақытта фермерлер тарапынан сұраныс артуда. Ауыл шаруашылығына инвестициялау көлемі биылдан бастап өсуі күтілуде», дейді Мэндин қаласы өндірістік және технологиялар орталығының бас маманы Чэнь Цзюань.
Бұл инновациялық жаңалық ауыл шаруашылығында еңбек өнімділігін айтарлықтай арттырды. Сонымен қатар, жалдамалы жұмысшыларға жұмсалатын шығындар да азайған. Нәтижесінде, табыс көлемі 350 миллион долларға жетті. Енді бұл технологияның жаппай енгізілуі қарастырылып жатыр.
