Фото: ОКҚ
Екінші жыл қатарынан ауыл мектептерінің оқушыларына арналған республикалық пәндік олимпиада өткізіліп келеді. 2024 жылы мектепішілік кезеңде 113 мыңнан астам оқушы тіркелді, бұл 2023 жылмен салыстырғанда 35 мыңға артық.
«Оның қорытындысы бойынша жүлделі орындарға ие болған ауыл оқушыларының саны 10 есеге артты. Ауыл мектептерінің оқушыларын зияткерлік олимпиадалар мен конкурстарға дайындау үшін «Дарын» онлайн мектебі іске қосылды. Қазір онда II республикалық ауылдық олимпиаданың 1 мыңға жуық финалисі білімдерін жетілдіріп жатыр», деп атап өтті Г.Тұрсынов.
