Фото: Reuters
Жексенбі күні Солтүстік Македонияның Кочани қаласындағы «Pulse» түнгі клубында өрт шықты. Қаза болған 60 адамнан бөлек, 150 адам жарақат алды. Әкімшілік жауапты 15 адамды қамауға алды.
Ішкі істер министрі Панче Тошковски журналистерге берген мәліметінде өрттің жергілікті поп-тобының концерті кезінде шамамен 02:30-да басталғанын хабарлады.
Жарылған пиротехниканың әсерінен клубтың төбесі өртеніп, от тез арада шатырды шарпыған. Көк түтін бүкіл залды қаптап кеткен. Бір-ақ қана шығу есігі болғандықтан, біраз адам тапталып қалған.
