Фото: Үкімет
Сауда саласында Іскерлік кеңестің жұмысына назар аударылды, ол тау-кен, мұнай-газ және басқа да салаларда әріптестікті тереңдетудің және тәжірибе алмасудың қосымша тетігі болуы тиіс. Қазақстанда қолайлы бизнес-климат орнату үшін барлық шаралар қабылданып жатыр.
Көлік-логистика саласындағы, оның ішінде Транскаспий халықаралық көлік бағытын дамыту аясындағы ынтымақтастық та талқыланды. «Орта дәліз» бойындағы бірлескен логистикалық және инфрақұрылымдық жобалардың келешегі қарастырылды. Энергетика саласында инфрақұрылымға бірлескен инвестициялар тарту, жаңартылатын энергия көздерін дамыту және энергия тиімділігін арттыру мүмкіндіктері қаралып, су ресурстарын басқаруға да назар аударылды.
Сонымен қатар жаңа буынның цифрлық қызметтерін дамыту және ЖИ элементтерін енгізу бойынша бірлескен технологиялық жобаларды жүзеге асыру перспективалары талқыланды.
Кездесу соңында екі ел президенттері қол жеткізген нақты уағдаластықтары мен бірлескен мәлімдемелерін жүзеге асыру мәселелері ынтымақтастық жөніндегі Үкіметаралық комиссияның ерекше бақылауында болатыны атап өтілді.
