1995 жылы аудан әкімшілігі Алматы облысы Райымбек ауданындағы ауылдардың бірінің тұрғынына өмір бойына мұрагерлікке 126,3 гектар жер телімін берген.
- 2011 жылы жер иесі қайтыс болып, оның құқығы жесір әйеліне өткен. Алайда, ол мұраны қабылдай алмаған, өйткені Жер қатынастары бөлімі ЖШС-ға 350 га жер телімін жалға берген, оның 54,7 га жері марқұмға тиесілі болған.
ЖШС-мен жалға беру шарты 2018 жылы жасалған, дегенмен жер телімі иесіз деп танылмай, мұрагердің құқық белгілейтін құжаттары күшінде болған. Нәтижесінде жер телімдерінің қабаттасуы орын алып, электронды жер-кадастрлық картасының ситуациялық диаграммасымен расталды, - деп түсіндірді соттан.
Жесір әйел жер телімін қайтару туралы ЖШС-ға, Бөлімге және әкімдікке талап қоюмен жүгінген.
Сот мыналарды ескерді:
* координаталық тізім (ауысым) бойынша жер телімдерінің іргелес шекараларының сәйкес келмеуі;
* “Жылжымайтын мүлікке құқықтарды мемлекеттік тіркеу туралы” Заңның 7-бабы, 6-тармағының, Жер кодексінің 164-1-бабының және Азаматтық кодекстің 260-бабының талаптары.
Алматы облысының Райымбек аудандық соты талап қоюды қанағаттандырды.
Мүдделі тұлға - АҚ - бұл шешім бойынша апелляцияға шағымданып, даулы жер телімінің кепілге қойылған мүлік екенін айтқан.
Алматы облыстық соты істі қарап, бірінші сатыдағы соттың шешімін өзгеріссіз қалдырды. Бұл шешім жалға беру шарттарын жасасу кезінде құқық белгілейтін құжаттарды мұқият тексеру қажеттілігін көрсетеді.
