Кеше ғана республикамыздың бас командасының тізгінін кімнің ұстағаны белгілі болды. Ол – Лола Әділбекова. Аталған маман 2002 жылы Пусанда алауы тұтанған Азия ойындарының командалық сайысында қола жүлдегер атанып, әлем чемпионатына қатысты. Бірақтар елішілік және халықаралық турнирлерде жеңіс тұғырына көтерілді.
Спорттық мансабын аяқтағаннан кейін Әділбекова 2010 жылдан бері жаттықтырушылық қызметпен айналысып келеді. Шымкент қаласында еңбек еткен оның Елжана Тәниева, Даяна Әбдірбекова, Роза Әбитова, Милана Парфилова және тағы басқа шәкіріттері көптеген дүбірлі додаларда дараланды. Лола – Қазақстанның еңбек сіңірген жаттықтырушысы.
