Фото: sud.gov.kz
Жоғарғы Сот Кеңесінің Төрағасы Дмитрий Малахов Әбдіқанов Нұрғазы Әбенұлын отставкаға кетуіне байланысты Жоғарғы Соттың судьясы қызметінен босату туралы Мемлекет басшысының ұсынысын қарауға енгізді.
«Судья зейнеткерлік жасқа толды, тәжірибесі мол, 27 жылдан астам уақыт бойы судьялар қауымдастығында лайықты беделге ие болды. Осыған байланысты, құрметті депутаттар, Әбдіқановты отставкаға кетуіне байланысты Жоғарғы Сот судьясы қызметінен босату туралы Мемлекет басшысының ұсынысын қолдауларыңызды сұраймыз», деді Дмитрий Малахов Сенат отырысында.
Сенат мүшелері бұл ұсынысты қолдады.
Айта кетейік, Нұрғазы Әбдіқанов 1962 жылы туған. Заң ғылымдарының докторы, ІІМ құрылымдарында, Алматы мен бірқатар өңірлерде судья қызметін атқарған. 2020 жылдың наурыз айынан бастап Жоғарғы сот судьясы болып жұмыс істеді. Бұған дейін Жоғарғы сот құрамында, сондай-ақ Жамбыл, Солтүстік Қазақстан, Ақмола облыстары мен Алматы қаласында соттарды басқарған.
