Қызылордада 129 кәсіпкердің құқы қорғалды

ҚЫЗЫЛОРДА. 3 тамыз. Облыстық кәсіпкерлер палатасы жанындағы кәсіпкерлердің құқығын қорғау кеңесі 129 кәсіпкердің құқығын қорғап қалды. Бұл туралы egemen.kz тілшісі хабарлады. Мәселен, Қызылорда қаласы әкімінің 2004 жылғы 26 шілдедегі № 136 қаулысына сәйкес Қызылорда қаласының «Көкжиде» өңірінде орналасқан жеке кәсіпкерлікке негізделген шаруа қожалығын жүргізу үшін, жалпы көлемі – 64 гектар жер учаскесіне 49 жыл мерзімге уақытша пайдалану құқығы табысталған. Алайда, 2015 жылдың қаңтар айында жеке кәсіпкер А.Махановқа Н.Ибраев есімді азамат келіп, өзіне аталған жер учаскесіне пайдалану құқығы табысталғандығы туралы хабарлап, жер учаскесін босатуды талап еткен. Мәселені зерттей келгенде А.Махановтан бөлек тағы осындай 128 кәсіпкер жапа шегіп жүргені анықталған. Кәсіпкерлер палатасының араласуымен мәселе оң шешімін тауып, Қызылорда қаласы әкімдігі қаулысының күші жойылды. Қазіргі таңда А.Махановтың және 128 кәсіпкердің жер учаскелері кері қайтарылып, құқықтары қалпына келтірілді. Ержан Байтілес. Дерек, сурет: egemen.kz.