Айрықша ұтыс

Хоум Кредит банкі «Бақыт депозит» салымшылары арасында алғашқы 100 жүлденің ұтысын ойнатты Бұл ұтыстың айрықша болатын себебі, мұның өзі осы шараға қаты­сушылардың бас­паналы болуының басы. Банк қызметкерлерінің түсіндіруінше, «Бақыт депозитке» салған 1 мың теңгенің өзі Астанадан баспаналы болуға мүмкіндік береді екен. Хоум Кредит банктің алғашқы пәтер ұтысы 2016 жылғы 16 қаңтарда ойналады және әрбір 6 ай сайын қайталанып тұрады. Сыйлық ақшалай баламада 10 миллион теңге мөлшерінде беріледі. ТМД кеңістігінде де бірегей болып саналатын «Бақыт депозит» 2015 жылдың бірінші маусымынан жұмыс істей бастаған. Әр ай сайын оның салымшылары арасында республиканың түрлі қалаларында 100 бағалы сыйлықтар ойналады. Салымшы бір рет ұтысқа ие болғанымен, келесі ойындарға да үміткерлер қатарында қала береді және басты жүлдені алу мүмкіндігінен де айырылмайды. Сәттілік марафоны Ақтө­беден бастау алды, өйткені, қала тұр­ғындарының 40 пайызы Хоум Кредит банктің қаржы­лық тұрақ­тылығы мен жоғары кәсіби деңге­йіне сенетін көрінеді. «Мега Ақ­төбе» сауда-ойын-сауық орталығы алдындағы алаңға Хоум Кредит банктің «Бақыт депозитінің» шапаға­тын көргісі келетін тұрғындар ұйымшылдықпен жиналды. Банктің Ақтөбедегі филиалының директоры Айсұлу Ордабаеваның мәлімдеуінше, клиенттер алдыңғы ойынның жеңімпазы болса да, кезекті жүлделерді сарапқа салуға қатысып, ұтыс иесі атануына болады. Салым сомасы көп болған сайын мүмкіндік те молаяды. Ол басқа банктердің ұтыс ойынын жабық өткізетініне, ал Хоум Кредит банк қана өз акцияларын ашық жүргізетіндігіне назар аударды. Эстафетаны Ақтөбеден Семей қаласы қабылдап алды, онда да тамыз айында жүз салымшыны жүлде күтіп тұр. Сатыбалды СӘУІРБАЙ, «Егемен Қазақстан». Ақтөбе облысы.