Жұмысшылар сайлауға баруға дайын

Қостанайдағы «АгромашХолдинг» және «Сары­Арқа­АвтоПром» машина жасау зауыттарының жұмысшылары өндіріс алаңында барлық қазақстандықтарды 26 сәуірде өтетін Қазақстан Республикасы Президентінің сайлауына дауыс беруге шақырды. Машина жасаушылар Қа­зақ­станда кезектен тыс президенттік сайлаудың өтуі  жаһандық  қаржы дағдарысына еліміз экономикасы даму ырғағының өсуін және халықтың  әлеуметтік тұрмысының жақсаруын қамтамасыз етумен жауап беруге ұмтылдырады деп санайды. – Біздің зауыттар ұжымы 26 сәуірде өтетін Қазақстан Рес­пуб­ликасы Президентінің  кезектен тыс сайлауын тарихи сәт деп біледі. Ең алдымен, елдің бірлігі, экономиканың дамуы, халық игілігі мемлекет басшысын таңдауға байланысты. Біз ұжымымызбен сайлауға баруға дайынбыз, – деді «АгромашХолдинг» акционерлік қоғамы Қостанай филиалының директоры Сергей Могилатов. Директордың сөзін жұ­мыс­шылар да қолдады. Зауыттың Ивеко ауыр және жеңіл ком­мер­циялық техникалар құрастыратын цехының слесарі Жалғас Сар­мұр­зин ұжым митингісіне  өз бастамасымен келді. – Президенттік сайлау – елі­міз­дегі ірі саяси оқиға. Оған дауыс беруге Отанын сүйетін, елдің тыныштығы мен бірлігін, әлеу­меттік жақсы тұрмысымызды ой­лайтын әр қазақстандық келуі тиіс, – деді Ж.Сармұрзин. – Мен сай­лау күні ұжымдағы әріптес­терім­мен барып, өз таңдауымды жасаймын. «АгромашХолдинг» зауы­тының өндіріс алаңында 1500 жұмысшы еңбек етеді. Осында үстіміздегі жылы 8,5 мың маши­на құрастырылатын болады. Сайлаудың нәтижелі өтуін жұмыс­шылар кәсіпорын мен әрқайсы­сының тағдыры деп біледі. Нәзира ЖӘРІМБЕТОВА, «Егемен Қазақстан». ҚОСТАНАЙ.  Суреттерде: «АгромашХолдинг» акционерлік қоғамы Қостанай фи­лиалының директоры Сергей Мо­гилатов митинг кезінде; құрастыру цехында.