Арулар ордасында Иран мәдениеті күндері өтті
Қазіргі күні Қыздар университетінде парсы тілін меңгеріп жатқан студенттер де бар. Және екі елдің арасын жалғастырған шаралар мұнымен шектелмейді. Сонымен, Қыздар университетінде үш күн қатарынан Иран мәдениеті күндері болып өтті.
Университетте парсы тілін меңгеріп жатқан студенттерді тарихы тамырлас Иран елінің мәдениетімен жақынырақ таныстыруды мақсат тұтқан шараға Иран Ислам Республикасының Бас консулы Амир Реза Дарабиан, Мәдени өкілдіктің Алматы қаласындағы жауапты басшысы Маджид Камрани, ирандық профессорлар мен Ираннан арнайы келген «Тиам» музыкалық халық аспаптар тобы және Қыздар университетінің басшылығы мен оқытушылары да ортақ болды.
Ашылу салтанатында Иран Ислам Республикасының Бас консулы Амир Реза Дарабиан мырза мен Қыздар университетінің бірінші проректоры Баходир Әлиев жастарға тағылымды лебіздер айтып, қонақтарға құрмет көрсетілді.
Мәдени шара соңы Ираннан келген «Тиам» музыкалық халық аспаптар тобының шағын музыкалық концертіне ұласты. Концерт барысында Қыздар университетінде «Шетел тілі: екі шетел тілі» мамандығы бойынша білім алып жатқан 1-2 курс студенттері парсы тіліндегі «Ма бачеһое Ирони» және «Ей, Ирон!» әндерін орындап, кеш ажарын аша түсті.
Шара аясында Иранның қолөнер, көркемсурет және ұлттық тағамдар дастарқанының көрмесі, Парсы каллиграфиясының шеберлік сыныбы, «Тиам» тобының шағын шеберлік сыныбы, парсы суретшілерінің шеберлік сыныбы болып өтті.
Қазіргі таңда Қыздар университетінде парсы тілін меңгеріп жатқан студенттер саны 30-дан асып жығылады. Бұдан өзге студенттер үшін Қазақстан Республикасының білім беруді дамытудың 2011-2020 жылдарға арналған мемлекеттік бағдарламасы аясында қытай, түрік, ағылшын, француз тілі курстары оқытылады.
Айнаш ЕСАЛИ,
«Егемен Қазақстан».
АЛМАТЫ.
Университетте парсы тілін меңгеріп жатқан студенттерді тарихы тамырлас Иран елінің мәдениетімен жақынырақ таныстыруды мақсат тұтқан шараға Иран Ислам Республикасының Бас консулы Амир Реза Дарабиан, Мәдени өкілдіктің Алматы қаласындағы жауапты басшысы Маджид Камрани, ирандық профессорлар мен Ираннан арнайы келген «Тиам» музыкалық халық аспаптар тобы және Қыздар университетінің басшылығы мен оқытушылары да ортақ болды.
Ашылу салтанатында Иран Ислам Республикасының Бас консулы Амир Реза Дарабиан мырза мен Қыздар университетінің бірінші проректоры Баходир Әлиев жастарға тағылымды лебіздер айтып, қонақтарға құрмет көрсетілді.
Мәдени шара соңы Ираннан келген «Тиам» музыкалық халық аспаптар тобының шағын музыкалық концертіне ұласты. Концерт барысында Қыздар университетінде «Шетел тілі: екі шетел тілі» мамандығы бойынша білім алып жатқан 1-2 курс студенттері парсы тіліндегі «Ма бачеһое Ирони» және «Ей, Ирон!» әндерін орындап, кеш ажарын аша түсті.
Шара аясында Иранның қолөнер, көркемсурет және ұлттық тағамдар дастарқанының көрмесі, Парсы каллиграфиясының шеберлік сыныбы, «Тиам» тобының шағын шеберлік сыныбы, парсы суретшілерінің шеберлік сыныбы болып өтті.
Қазіргі таңда Қыздар университетінде парсы тілін меңгеріп жатқан студенттер саны 30-дан асып жығылады. Бұдан өзге студенттер үшін Қазақстан Республикасының білім беруді дамытудың 2011-2020 жылдарға арналған мемлекеттік бағдарламасы аясында қытай, түрік, ағылшын, француз тілі курстары оқытылады.
Айнаш ЕСАЛИ,
«Егемен Қазақстан».
АЛМАТЫ.
