Қостанай облысында басқарма басшысы тағайындалды

ҚОСТАНАЙ. 17 қаңтар. Қостанай өңірінің басшысы Нұрлан Сәдуақасовтың өкімімен облыстық энергетика және коммуналдық шаруашылық басқармасының басшысы болып Хайдар Жабықбайұлы Қамбаров тағайындалды. Бұл жөнінде egemen.kz тілшісі хабарлады. Хайдар Қамбаров бұған дейін басқарма басшысының орынбасары қызметін атқарды. Ол Рудный индустриялық институтын инженер-құрылысшы мамандығы бойынша бітіргеннен кейін тұрғын үй-коммуналдық шаруашылығында мол тәжірибе жинақтады. Мемлекеттік қызметте болды. «Костанайгаз», «КазТрансГаз Аймак» секілді коммуналдық қызметтің маңызды салаларында жауапты қызметтер атқарды. Еске сала кетейік, басқарманың бұдан бұрынғы басшысы Әубәкір Тайкешев Қылмыстық істер кодексінің 1-тарауының 316-бабы бойынша (немқұрайдылық) кінәлі деп табылып, мерзімі өткендіктен жазадан босатылды. Ол биылғы қаңтар айында өз өтінішімен қызметінен кетті. Нәзира Жәрімбетова. Дерек, сурет: egemen.kz.