Чемпиондар лигасының финалына билеттер ойнатылады

АСТАНА. 17 ақпан. Футболдан Қазақстан суперкубогы үшін болатын тартыс кезінде ұйымдастырушылар лотерея ойнатып, мамыр айында Берлинде өтетін УЕФА чемпиондар лигасы финалының билеттерін сарапқа салады. Бұл туралы vesti.kz хабарлады. Ұйымдастырушылардың айтуынша, лотереяның бас жүлдесі Берлинге баруға мүмкіндік беретін жолдама. Оған Астана-Берлин-Астана бағытындағы ұшақ құны, қонақ үйден орын және Чемпиондар лигасының финалына екі билет енеді. Одан бөлек, жанкүйерлер арасында аталған тартыстың тағы үш билеті ойнатылады. Лотореяға суперкубоктық ойынды тамашалауға келген барлық жанкүйер қатыса алады. Ол үшін ойынға сатып алған билеттің бір бөлігін арнайы жәшіктерге салсаңыз болғаны. Суперкубок бәсекесінің билеттері 300 және 500 теңгеден сатылады. Футболдан Қазақстан суперкубогы 1 наурыз күні «Астана Арена» стадионында 15:30-да басталады. Бұл тартыста алматылық «Қайрат» пен «Астана» футбол командалары сынға түседі. Еламан Қоңыр. Дерек: vesti.kz. Сурет: prosportkz.kz.