Қызылордада 2017 жылы апатты үйлердің мәселесі шешіледі

ҚЫЗЫЛОРДА. 5 тамыз. Қызылорда қаласында 300-ге жуық отбасы қоныстанған апатты жағдайдағы 25 тұрғын үй бар. Осы мәселені толықтай шешу мақсатында 2013 жылы облыстық бюджеттен қаржы бөлініп, 6 жаңа көп қабатты тұрғын үйлердің жобалық-сметалық құжаттамалары әзірленді. Бұл туралы egemen.kz тілшісі хабарлады. Тұрғын үйлердің 3-ін Титов мөлтек ауданында, қалғанын Жаппасбай батыр көшесіне салу жоспарланды. 2013 жылы Титов мөлтек ауданында алғашқы 24 пәтерлік 1 тұрғын үй құрылысы жүргізіліп, пайдалануға берілді. Ал 2014 жылы Титов мөлтек ауданында және Жаппасбай батыр көшесінде 60 пәтерлік 2 тұрғын үйдің құрылысы басталған болатын. Биыл Жаппасбай батыр көшесіндегі құрылысы басталған бір тұрғын үйді жыл соңына дейін пайдалануға беру жоспарлануда. Келесі жылы Титов мөлтек ауданындағы 60 пәтерлік тұрғын үйді наурыз-сәуір айларында, 100 пәтерлік тұрғын үйді жылдың соңына дейін пайдалануға беру көзделуде. Ержан Байтілес. Дерек: egemen.kz. Сурет: thenews.kz.