Фото: «Жолаушылар тасымалы» АҚ
Электр пойызы әр сәрсенбі жолға шығады. Астанадан сағат 11:00-де шығып, 13:35-те Бурабай станциясына жетеді. Кері бағытта пойыз 14:15-те жолға шығып, 17:00-де Астанаға оралады.
«Жолаушылар тасымалы» АҚ мәліметінше, пойыз құрамында 4 вагон бар. Жолаушылар үшін 1, 2 және 3-сыныптағы қызмет көрсету түрлері қолжетімді. Вагондарда кондиционерлер, ауа тазарту жүйесі, биоәжетханалар, мүмкіндігі шектеулі жолаушыларға арналған арнайы орындар, ыңғайлы орындықтар, велосипед қоятын орындар бар. Сондай-ақ Vputi.kz медиапорталына қолжетімді тегін Wi-Fi желісі орнатылған.
Қала маңы бағытындағы жолаушылар пойызына билеттерді жөнелтуге 10 күн қалғанда сатып алуға болады.
