Есіл ауданына жаңа әкім тағайындалды

КӨКШЕТАУ. 17 ақпан. Ақмола облысының әкімі Сергей Кулагиннің өкімімен және аудандық мәслихат депутаттары келісімінің негізінде Аманбек Әмірхамзаұлы Қалжанов Есіл  ауданының әкімі болып тағайындалды. Бұл туралы egemen.kz тілшісі хабарлады. А.Қалжанов 1961 жылы туған, 1989 жылы Целиноград ауыл шаруашылық институтын ауыл шаруашылығы өндірісінің экономист-ұйымдастырушысы мамандығы бойынша бітірген. Еңбек жолын 1980 жылы Арқалық калалық коммуналдық шаруашылығының арнайы автобазасы материалдық үстелінің есепшісі болып бастаған. 1983 жылғы наурыздан бастап Торғай облыстық статистика басқармасының бас инженер-ревизоры, есеп орталығы бастығының орынбасары қызметтерін атқарды. А.Қалжанов 1994 жылғы шілде айынан бастап Торғай облысы бойынша салық комитетінің түрлі лауазымдарын атқарады. 1997 жылғы тамызда Ақмола облысы Жарқайың ауданы салық комитетінің төрағасы болып тағайындалған. Ал 2004-2013 жылдар аралығында Жарқайың және Ерейментау аудандарының әкімі лауазымында болды. Жаңа дауазымға тағайындалғанға дейін Ақмола облысы ауыл шаруашылығы басқармасының басшысы қызметін атқарған. «Құрмет» орденінің иегері. Бақберген Амалбек. Дерек, сурет: egemen.kz.