Қызылордалықтар әскери спорт түрлерінен сынға түсті

ҚЫЗЫЛОРДА. 7 мамыр. Қалада мектеп оқушыларының арасында Ұлы Жеңістің 70 жылдық мерекесіне орай облыстық білім басқармасының кубогы үшін жеңіл атлетика мен әскери-қолданбалы спорт түрлерінен жарыс өтті. Бұл туралы egemen.kz тілшісі хабарлады. Оған 500-ден аса оқушы қатысты. 7 шақырымдық қашықтыққа жүгіруден №198 мектептің командасы алдарына жан салмаса, жүлделі екінші, үшінші орындарды №39, №173 мектеп ұжымдары иеленді. Ал әскери қолданбалы спорт түрлері бойынша №136 мектеп командасы жеңімпаз атанды. №257 мектеп екінші, №222 мектеп үздік үштікті қорытындылады.  Айта кетейік, марапаттау рәсіміне Ұлы Отан соғысының ардагерлері қатысып, жеңімпаздар мен жүлдегерлерді марапаттады. Ержан Байтілес. Дерек, сурет: egemen.kz