24 ЖАМПОЗ ЖАРТЫЛАЙ ФИНАЛҒА ЖЕТТІ

Сәрсенбі күні Астанада Бокс федерациясының ұйымдастыруымен ересектер арасында Елбасы кубогы жолында өтіп жатқан ІІ халықаралық турнирдің ширек финалдық кездесулері өтті. Мұнда Қазақстан құрамасында ширек финалға жолдама алған 32 боксшының арасында 24 былғары қолғап иесі келесі айналымға шық­ты. Жартылай финалға жолдама алған боксшылардың дені ұлттық құра­маның өкілдері болғанына байла­нысты олардың көбі бір-бірімен қол­ғап түйістірді. Онда биыл­ғы респуб­лика чемпионаты­ның ақтық сынында жолдары түйіскен 69 кг. салмақтағы Рүстем Сыбаев пен Серік Сәпиев, 81 кг. салмақтағы Алмат Серімов пен Азамат Белгібаев кездесті. Ес­тері­ңіз­де болса, Қазақстан чемпио­на­тында Рүстем мен Алмат қарсылас­тарын қиналмай жеңген еді. Сон­дай-ақ, жар­тылай финалда Нұр­дәу­лет Жар­манов пен Әліби Нұр­матов (75 кг.), Дәурен Елеу­сінов пен Данабек Сужанов (75 кг.) кез­дессе, Марат Қиясов (81 кг.) куба­лық Иросбанис Дювергел Авилес­пен, Данияр Үстембаев (91 кг.) оның жер­лесі Линиер Унисе Перо Жус­тин­­мен күш сынасты. Соны­мен бірге аса ауыр салмақта Иван Дычко мен Руслан Мыр­сатаевтың жолы түйіссе, Досжан Оспанов сириялық Соумар Хус­сун­­мен кез­десті. Осы жерде жар­ты­лай финал­да одан басқа тағы бір сирия­лық боксшының өнер көр­сет­кенін атап өткеніміз жөн. Мохам­мад Хуссун 91 кг. салмақта украиналық Алек­сандр Усинмен қолғап түйістірді. Ал жеңіл салмақта Қазақстан құра­масында Біржан Жақыпов, Мардан Берікбаев (48 кг.), Нұрғазы Жүсіпов, Мирас Жақыпов (51 кг.), Данияр Төлегенов (54 кг.), Мәди Шолақов (57 кг.), Ғани Жайлауов, Айдар Әмірзақов, Самат Бәшенов (60 кг.), Мерей Ақшалов, Әділет Егі­зеков (64 кг.) жартылай сы­нға жол­дама алды. Бұл кездесулерде Самат Украинаның олим­пиада чемпионы Василий Ломаченко­мен күш сынас­са, Мирас ресейлік та­лант­ты бокс­шы Ғайырбек Герма­ханов­пен кез­десті. Осы жекпе-жектер газет беті қатталып жатқанда өткен­дік­тен олардың нәтижелерін келесі нөмір­де хабарлауды жөн көріп отырмыз. Сөйтіп, Қазақстан құрамасы­нан 24 боксшы жартылай финалға шықса, Ресейден үш боксшы – Ғайыр­бек Гер­маханов, Вислан Дал­хаев, Алек­сандр Беспутин шық­ты. Кубадан – Иосвани Виейта Сото, Норлан Вера Диас және жо­ғарыда аталған Ирос­банис Дювер­хел Авилес пен Линиер Унисе Перо Жустин жолдама алды. Биылғы турнирде Моңғолия, Сирия мен Үндістан боксшылары жақсы қырынан көрінуде. Осы кез­ге дейін жартылай финалға шық­паған аталған елдердің құра­ма­лары­ның биылғы жарыста екі-үш былғары қолғап шеберлері ақ­тық сынға жолдама алу үшін күресуде. Тағы бір атап өтетін нәрсе, осы жылғы турнирге АІВА-ның төре­ші­лер алқасының жетекшісі Терри Смит келіп, Азия айма­ғындағы бір жұлдызды төрешілерден емтихан алуда. Олардың арасында біздің елі­мізден төреші ер азаматтардан басқа екі нәзік жанды қазы да бар. Турнир олардың жұмысы Т.Смит­тің көңілі­нен шығып жатса, өз істерін адал атқарғандары үшін олар омы­рау­ларына екінші жұл­дызды қадай­ды. Дастан КЕНЖАЛИН.