Тариф бағасы өсті

Атырауда 1 тамыздан бас­тап су және кәріз тарифінің бағасы қымбаттады. Өңір орталығын сумен қамтамасыз ететін «АтырауСуАрнасы» коммуналдық мемлекеттік кәсіпорнының тарифті өсіру жөніндегі ұсынысы табиғи моно­полияларды реттеу және бәсекелестікті қорғау депар­таменті тарапынан қолдау тапты. Аталған департамент бас­шысының орынбасары Әлсейіт Сабыровтың мәлім етуінше, бұдан былай жеке тұлғалар судың бір текше метрі үшін 101 теңге 33 тиын төлейді. Бұрын бұл баға 68 теңге 28 тиын еді. Ал заңды тұлғаларға бір текше метр суды пайдаланғаны үшін тариф құны енді 316 теңге 72 тиынды құрайтын болды. Бұл баға осы кезге дейін 189 теңге 7 тиын деңгейінде сақталып келген болатын. «АтырауСу Арнасы» бас­шылары тарифті өсіруге бір­неше себепті алға тартып отыр. Біріншіден, кәсіпорын шы­ғыны көбейген болса, екін­шіден, қажетті материал­дар мен химиялық реагент­тер бағаларының өсуі әсер еткен. Үшіншіден, су тарифтерін қа­лыптастырудың жаңа тетік­терін енгізуге байланыс­ты кешенді жоспарлы іске қажет­тігі туындапты. Төртіншіден, кәсіпорынның инвестициялық бағдарламасын іске асыру көзделіпті. Сонымен бірге, Атырауда кәріз жүйесі тарифі де өсті. Енді атыраулық жеке тұлғалар бір текше метрге 35 теңгеден, ал өзге тұтынушылар 151 теңге 98 тиын төлеуге мәжбүр болады. Бұл қызметке төленетін баға бұрын сәйкесінше, 31 теңге 39 тиын және 122 теңге 12 тиын болған еді. Жолдасбек ШӨПЕҒҰЛ, «Егемен Қазақстан». АТЫРАУ.