Биыл Оңтүстікте күн ерекше ыстық болды. Аптап жалын жер бетіндегі тіршілік иесін алып табаға салып қуырып жатқанда жыландар да далаға шығып кеткен. Өзіміз де көргенбіз. Жарқырап жолдан өтіп бара жатқанда машинаның дөңгелегі астында жаншылып қалмауын абайлағанбыз.
Аса бір қатыгездеу адам болмаса көпшілік жыланды өлтіре қоймайды.
Сондай жыландардың бірі қаладағы үйдің ішіне кіріп кеткен. «Құз басына өрмелеп жылан да шығады» дегендей, ақ бауыр жылан тоңазатқыштың үстіне өрмелеп шығып, тор ішіндегі тотықұсқа тап бергенде ғана үй иелері байқап тілдері байланып қала жаздайды. Абдырап қалған олардың бірі облыстық төтенше жағдайлар департаментінің кезекшісіне телефон шалады. Ол өз беттерімен жыланды өлтірмеуге кеңес бергенше әлгі сабазың тотықұсты қарнына тоғытып-ақ жіберген. Құтқарушылар келгенде күтпеген оқиғадан естері шыққан үй иелері сөйлеуге тілдері икемге келмей, тоңазытқыш үстіндегі торды нұсқай беріпті. Бұл кезде тотықұсқа тойынған жылан тор тесігінен шыға алмай жанталасып жатқан.
Құтқарушылар кеше ғана сайрап тұрған, мұндай пәлекет басын жұтады деп үш ұйықтаса түсіне кірмеген тотықұсты жеп қойған жыланды арнаулы құралдарының көмегімен ұстап әкетті.
Тотықұс тұрған тор бос. Үй иелері енді өз-өздеріне келіп жатыр.
Шымкентте жылан көбейді. Мамандар мұны күннің ысып кетуімен түсіндіреді. Олардың тұрғын үйге кіріп кетуі бірінші оқиға емес екен.
Бақтияр ТАЙЖАН,
«Егемен Қазақстан».
ШЫМКЕНТ.
Аса бір қатыгездеу адам болмаса көпшілік жыланды өлтіре қоймайды.
Сондай жыландардың бірі қаладағы үйдің ішіне кіріп кеткен. «Құз басына өрмелеп жылан да шығады» дегендей, ақ бауыр жылан тоңазатқыштың үстіне өрмелеп шығып, тор ішіндегі тотықұсқа тап бергенде ғана үй иелері байқап тілдері байланып қала жаздайды. Абдырап қалған олардың бірі облыстық төтенше жағдайлар департаментінің кезекшісіне телефон шалады. Ол өз беттерімен жыланды өлтірмеуге кеңес бергенше әлгі сабазың тотықұсты қарнына тоғытып-ақ жіберген. Құтқарушылар келгенде күтпеген оқиғадан естері шыққан үй иелері сөйлеуге тілдері икемге келмей, тоңазытқыш үстіндегі торды нұсқай беріпті. Бұл кезде тотықұсқа тойынған жылан тор тесігінен шыға алмай жанталасып жатқан.
Құтқарушылар кеше ғана сайрап тұрған, мұндай пәлекет басын жұтады деп үш ұйықтаса түсіне кірмеген тотықұсты жеп қойған жыланды арнаулы құралдарының көмегімен ұстап әкетті.
Тотықұс тұрған тор бос. Үй иелері енді өз-өздеріне келіп жатыр.
Шымкентте жылан көбейді. Мамандар мұны күннің ысып кетуімен түсіндіреді. Олардың тұрғын үйге кіріп кетуі бірінші оқиға емес екен.
Бақтияр ТАЙЖАН,
«Егемен Қазақстан».
ШЫМКЕНТ.
