Австралияның полицейлері Шварценеггерге ескерту жасады

АСТАНА. 20 наурыз. Танымал әртіс, Калифорния штатының экс губернаторы Арнольд Шварценеггерге Мельбурна қаласының (Австралия) тәртіп сақшылары велосипедті қауіпсіздік баскиімінсіз айдағаны үшін ескерту жасады. Бұл туралы the age хабарлайды. Шайтан арбаны арнайы баскиімсіз жүргізу Мельбурн қаласында ереже бұзған болып есептелінеді. Сондай-ақ, заң аясында 146 австралиялық доллар мөлшерінде айып пұл салынады. Алайда, Шварценеггерге полиция инспекторы жақын маңдағы дүкендердің бірінен баскиім сатып алуды ескерткен. Тәртіп сақшысы Гиллсон: «Менің алдымнан велосипед теуіп бара жатқандар бір топ өтті. Өз жұмысым бойынша ереже бұзғанды тоқтаттым. Сөйтсем, баскиімі жоқ жүргізушіміз Арнольд Шварценеггер екен. Мен экс-губернаторға мән жайды түсіндірдім. Ол адамдармен тез тіл табысатын жан екен. Маған айып пұл салмауымды сұрады. Есесіне мен оған жақын маңда орналасқан 7-Eleven дүкенінен бар жоғы 5 долларға қауіпсіздік бас кейімін сатып алуды ескерттім», – дейді. Айта кетейік, Шварценеггердің әкесі полейцей болған екен. Сондықтан да ол тәртіп сақшыларына құрметпен қарайтын көрінеді. Бір қызығы Шварценеггер 2013 жылы да осы қалада велосипедті баскиімсіз басқарып инспекторлардың назарына ілігіпті. Ол кезде де әртістің танымалдылығы айып пұлдан құтқарып қалса керек. Талғат Райымбек. Дерек; the age. Сурет; unification.com.