Қостанай қаласы әкімінің екінші орынбасары да 2 айға қамалды

ҚОСТАНАЙ. 06 тамыз. Қостанай қаласы әкімінің екінші орынбасары Фрунзик Аракелянды №2 қалалық сот 2 айға қамауға санкция берді. Бұл туралы ng.kz сайтына сілтеме жасаған egemen.kz тілшісі хабарлады. Фрунзик Аракелян Қазақстан Республикасы Қылмыстық кодексінің екі бабымен, яғни 361-баптың 2-бөлімі –қызметін асыра пайдаланғаны үшін және 366-баптың 2 бөлімі – үлкен көлемде пара алғаны үшін айыпталады. Сотта мемлекеттік айыптаушы Руслан Өмірзақовтың айтуынша, Аракелян  бұрыннан да пара алып жүрген. Ол оны кімнен алғанын айтып берді. Сонымен қатар, прокурор Фурнзик Аракелянды республикадан тыс жерге қашып кетуі мүмкін екенін айтты, сол үшін оны қамау керектігін ұсынды. Өйткені, Фрунзик мырза өзіне тықыр таянғанын сезсе керек, кабинетін тінтіген кезде оның қызметтен кету туралы жазған арыздары  табылды. Оларды концелярия кеңсесіне беріп үлгермеген. Судья Алтын Байжұманова Аракелянның жақсы мінездемесіне қарамастан оны 2 айға қамауға санкция шығарды. Еске сала кетейік, Қостанай қаласы әкімінің екі орынбасары пара алды деген күдікпен ұсталған-ды. Осының алдында Мақсұт Қалиевта 2 айға қамалған болатын. Нәзира Жәрімбетова. Дерек, сурет: ng.kz.