АСТАНА. 23 маусым. Мемлекеттік қызметшілер күніне орай аймақ басшысы Қырымбек Көшербаев облыстағы бірқатар мемлекеттік қызметкерлерді құттықтап, үздіктерді марапаттады. Бұл туралы облыс әкімдігінің баспасөз қызметі хабарлады.
Шара барысында облыс әкімі Қырымбек Көшербаев: «Мемлекеттік қызметшілер халық пен мемлекеттік биліктің арасындағы сенімді қалыптастыруда үлкен роль атқаратыны сөзсіз. Сондықтан, біз үшін мемлекеттік қызмет – ұлтқа қызмет ету ұғымының синонимі болуға тиіс. Сол себепті де Сіздер уақытпен санаспай, ел мүддесін өз мүдделеріңізден әрдайым биік ұстауларыңыз керек. Мемлекеттік қызметші ел сенімінен шыға білсе, одан жоғары мәртебе жоқ және одан артық бақыт жоқ деп есептеймін», – деді.
Сондай-ақ, жиында мемлекеттік қызметшілер салтанатты түрде ант қабылдады. Облыс әкімі мереке аясында төрт мемлекеттік қызметшіге «Үздік мемлекеттік қызметші» төсбелгін табыстады.
Талғат Райымбек.
Дерек, сурет: облыс әкімдігінің баспасөз қызметі.
