Чемпиондар лигасы. «Астана» «Селтикпен» ойнауы мүмкін

АСТАНА. 6 тамыз. Өткен түнде УЕФА Чемпиондар лигасы іріктеу турнирінің плей-офф бәсекесіне шыққан командалар анықталды. Олардың қатарында «Астана» клубының да бар екені белгілі. Өз алаңында өткізген қарымта кездесуде Финляндияның ХИК командасын 4:3 есебімен жеңген елордалықтар клуб тарихында тұңғыш рет осындай жетістікке қол жеткізіп отыр. Бұл туралы egemen.kz хабарлады. Сонымен, биылғы маусымда Чемпиондар лигасының топтық кезеңіне іріктеу турнирі арқылы шығудан үмітті командалар мыналар: «Динамо» (Загреб, Хорватия), АПОЭЛ (Никося, Кипр), Монако (Монако, Франция), «Рапид» (Вена, Австрия), «Астана» (Астана, Қазақстан), «Селтик» (Глазго, Шотландия), ЦСКА (Мәскеу, Ресей), БАТЭ (Борисов, Беларусь), «Базель» (Базель, Швейцария), «Партизан» (Белград, Сербия), «Мальме» (Мальме, Швеция), «Брюгге» (Брюгге, Бельгия), «Шахтер» (Донецк, Украина), «Скендербеу» (Корча, Албания), «Маккаби» (Тель-Авив, Израиль). Осы 15 командадан бөлек, жарысқа плей-офф сынынан қосылатын тағы 5 команда бар. Олар: «Манчестер Юнайтед» (Манчестер, Англия), «Валенсия» (Валенсия, Испания), «Байер» (Леверкузен, Германия), «Спортинг» (Лиссабон, Португалия), «Лацио» (Рим, Италия). Плей-офф сатысының жеребе тарту рәсімі ертең Швейцарияның Ньон қаласында өткізіледі. Бұл сында «Астананың» қарсыласы атануы мүмкін командалар төмендегідей: «Селтик», «Базель», АПОЭЛ, БАТЭ, «Динамо» Загреб. УЕФА Чемпиондар лигасы іріктеу турнирінің үшінші раунды шеңберінде ойналған қарымта ойындардың нәтижелері: 4 тамыз «Мольде» (Мольде, Норвегия) – «Динамо» (Загреб, Хорватия) 3:3 (1:3), 1:1 Голдар: Эцаз Хуссейн 43, Мохамед Эльюнусси 52, пенальти, Ола Камара 75 – Марко Пьяца 17, Ариян Адеми 20, Марко Рог 22. АПОЭЛ (Никосия, Кипр) – «Мидтьюлланн» (Хернинг, Дания) 0:1 (0:1), 2:1 Гол: Эрик Поульсен 3. «Монако» (Монако, Франция) – «Янг Бойз» (Берн, Швейцария) 4:0 (0:0), 3:1 Голдар: Иван Кавалейру 54, Лейвин Курзава 64, Антони Мартиаль 70, Стефан Эль-Шаарави 77. «Аякс» (Амстердам, Нидерланды) – «Рапид» (Вена, Австрия) 2:3 (0:2), 2:2 Голдар: Аркадиуш Милик 52, Неманья Гудель 75 – Роберт Берич 12, Луис Шауб 39, 77. 5 тамыз «Астана» (Астана, Қазақстан) – ХИК (Хельсинки, Финляндия) 4:3 (1:2), 0:0 Голдар: Патрик Твумаси 44, Рохер Каньяс 47, пенальти, Дмитрий Шомко 56, Евгений Постников 90+3 – Осман Джаллоу 4, Джиден Баа 41, Эрфан Зенели 86, пенальти. «Карабах» (Агдам, Әзербайжан) – «Селтик» (Глазго, Шотландия) 0:0, 0:1 «Спарта» (Прага, Чехия) – ЦСКА (Мәскеу, Ресей) 2:3 (2:1), 2:2 Голдар: Ладислав Крейчи 6, Кеинде Фатай 16 – Ахмет Муса 34, 51, Алан Дзагоев 76. БАТЭ (Борисов, Беларусь) – «Видеотон» (Секешфехервар, Венгрия) 1:0 (0:0), 1:1 Гол: Неманья Николич 82. «Базель» (Базель, Швейцария) – «Лех» (Познань, Польша) 1:0 (0:0), 3:1 Гол: Биркир Бьярнасон 90+1. «Брюгге» (Брюгге, Бельгия) – «Панатинаикос» (Афина, Грекия) 3:0 (0:0), 1:2 Голдар: Дион Колс 53, Виктор Васкес 58, Мамаду Улар 82. «Мальме» (Мальме, Швеция) – «Зальцбург» (Вальс-Зиценхайм, Австрия) 3:0 (3:0), 0:2 Голдар: Никола Джурджич 7, Маркус Розенберг 14, Владимир Родич 42. «Партизан» (Белград, Сербия) – «Стяуа» (Бухарест, Румыния) 4:2 (1:2), 1:1 Голдар: Стефан Бабович 8, Марко Евтович 60, Андрия Живкович 69, Никола Труич 90+1 – Салли Муниру 11, Жюгюрта Хамрун 33. «Виктория» (Пльзень, Чехия) – «Маккаби» (Тель-Авив, Израиль) 0:2 (0:0), 2:1 Голдар: Эран Захави 76, пенальти, 83. «Скендербеу» (Корча, Албания) – «Милсами» (Орхей, Молдова) 2:0 (1:0), 2:0 Голдар: Хамди Салихи 16, Герхард Прогни 55. «Шахтер» (Донецк, Украина) – «Фенербахче» (Ыстамбұл, Түркия) 3:0 (1:0), 0:0 Голдар: Александр Гладкий 25, Дарио Срна 65, пенальти, Алекс Тейшейра 68. Еламан Қоңыр. Дерек, сурет: egemen.kz.