03 Шілде, 2010

ДИПЛОМАТТАР ҚЫЗМЕТІНЕ ТАБЫС ТІЛЕДІ

616 рет
көрсетілді
2 мин
оқу үшін
Биыл отандық сыртқы саясат ведомствосының құрылғанына 18 жыл толды.  Яғни, осыдан 18 жыл бұрын  Елбасы Н. Назарбаев еліміздің сыртқы саясат құрылымын құру жөніндегі Жарлыққа қол қойған болатын. Кеше Астанада Мемлекеттік хатшы – Сыртқы істер министрі Қанат Саудабаев қазақстандық дипломаттарды олардың кәсіби мерекелерімен құттықтады. Қазіргі таңда Қазақстан әлемнің 120-дан астам елімен жоғары дипломатиялық қарым-қатынас орнатқан. Еліміздің сыртқы саясат мекемелері 60-қа тарта мемлекетте орын тепкен. Ал Қазақстанда әлемнің 60 елінің елшілігі мен 20 халықаралық ұйымы еңбек етуде. Бұл – Отанымыздың сыртқы саясаттағы жемісті стратегиялық қызметінің  бір айғағы. “Сыртқы саясат – Қазақстан Президенті Н. Назарбаев қызметі­нің ерекше басымдығы. Ал Сыртқы іс­тер министрлігі – оны жүзеге асы­ру құралы. Тәуелсіздік алған жыл­­дардан бері Мемлекет бас­шысы сыртқы саяси стратегияны жүзеге асырудың жаңа тиімді жүйесін жасады. Бұл стратегия елдің интел­лектуалдық әлеуеті мен  мықты материалдық-техникалық базасы негізінде жасақталды. Еге­мендіктің алғашқы елең-алаңында Қазақстан бұрынғы Кеңес Одағы­нан іргесін ажыратқан, ешкімге таныс емес ел ретінде өмір сүріп келсе, бүгінде Ота­нымызды ай­мақтық және ғалам­дық қауіп­сіз­дікті қамтамасыз ету бағытындағы ха­лық­аралық қоғамдастықтың құр­мет­ті әрі сенімді әріптесі деп баға­лайды”, деді Мемлекеттік хатшы – Сыртқы істер министрі. Қ.Саудабаев сондай-ақ Елбасы­ның көпқырлылыққа негізделген сыртқы саяси ұстанымына сәйкес, Қазақстанның халықаралық сахна­да беделді елдермен сенімді әріп­тестік орнатып, бұған қоса, БҰҰ, ЕҚЫҰ және ШЫҰ сынды белді ұйымдардың тең құқылы мүшесіне айналғанын атап көрсетті.  ЕҚЫҰ-ға төрағалық ету миссиясын үлкен жауапкершілікпен атқарып келе жатқанын, келесі жылы Ислам Конференциясы Ұйымына төраға­лық ететінін көлденең тартты Осылай дей келе, Мемлекеттік хатшы – Сыртқы істер министрі қа­зақстандық дипломатия өкіл­деріне қойылар басты талап – бола­шақта да Елбасының өздеріне деген жоғары сенімін ақтау, сол жол­да тер төгу екенін атап өтті. “Мен бүгінгі сәтті пайдаланып, жа­ңа Қазақ­стан­ның негізін қалаушы, Отанымыздың бас дипломаты Нұр­сұлтан Назар­баевты және барлық қазақстандық дипло­мат­тарды кә­сіби мерекелері­мен құттықтаймын. Олар­дың ортақ Отанымыз – Қазақ­станның гүл­денуі жолындағы қызметтеріне та­быс тілеймін”, деді Қ. Саудабаев. Ләйла ЕДІЛҚЫЗЫ.