Бұған дейін де халықаралық бәйгелерде топ жарып, дүбірін дүйім жұртқа танытқан қазақтың Адай жылқылары Ресейде өткен аламан бәйгеде Көк байрақты Қазақстанның аты мен абыройын асқақтатып оралды.
Биылғы 24-26 шілде күндері Ресейдің Рязань облысындағы Спасск-Рязанский қаласында халықаралық ат бәйгесі өткен болатын. Бұл Қазақстан, Ресей, Германия, Финляндия мемлекеттерінен өрен жүйріктер таңдалып, әртүрлі тек пен тұқымнан өрбіген жүйріктерді өзара сынға салған дода болды.
Алыс қашықтыққа шабуды мақсат еткен айтулы жарысқа Қазақстанның атынан Маңғыстаудан апарылған бес Адай жылқысы қатысып, бесеуі де олжа салып оралды. 80 шақырымдық қашықтықта Әнес Етіреков атты шабандоз баланың тақымына тиген «Бумер» атты сәйгүлік бірінші орын алды. Бұл тұлпардың алғашқы аламаны екен. 120 шақырымдық қашықтықта «Жары» атты жүйрік алдына қара салған жоқ. «Жары» бұған дейін де ат жарыстарында ысылған, Спасск-Рязанский қаласында алдыңғы жылдары өткен сайыстарда жүлде алып, былтыр Францияда сынақтан өткен тұлпар. Айта кетейік, «Жары» да, «Бумер» де Қызан ауылының тұрғыны, атбегі Бұғабай Мұқырбаевтың жүйріктері. 120 шақырымдық аламанда «Жарының» соңына ала бере, яғни екінші орында Наталья Долгихтің «Жезкиік» атты Адай тұқымды жылқысы мәре сызығын кесіп өтсе, араға бір-екі бәйге атын салып, бесінші-алтыншы орындарда тағы да Адай жылқылары – Азат Қойшиевтің «Ойлысы» мен Әбіш Етірековтің «Көкпары» шауып өте шықты. Дарья Попованың осы ат тұқымынан шыққан «Чекист» тұлпары 80 шақырымдық қашықтықты төртінші орынмен аяқтады.
Сырт келбеті көзге қораштау көрініп, сайыс басталар алдында бәсекелестер тарапынан: «Бумер, значить умер», дегендей түрлі жан жүдетер «бағалаулар» естіген қазақтың Адай жылқылары өздерін аламан алаңында танытып, шетелдіктердің жүйріктеріне шаң қаптырып оралды. Атбегілердің айтуынша, әлгі «баға берушілер» аламан соңында таңданыстарын жасыра алмай Қазақстаннан барған жүйріктердің маңында айналсоқтап көп жүріпті.
Гүлайым ШЫНТЕМІРҚЫЗЫ,
«Егемен Қазақстан».
Маңғыстау облысы.
–––––––––––––––––
Суретті түсірген
Берік ДӘУЕНОВ.
Биылғы 24-26 шілде күндері Ресейдің Рязань облысындағы Спасск-Рязанский қаласында халықаралық ат бәйгесі өткен болатын. Бұл Қазақстан, Ресей, Германия, Финляндия мемлекеттерінен өрен жүйріктер таңдалып, әртүрлі тек пен тұқымнан өрбіген жүйріктерді өзара сынға салған дода болды.
Алыс қашықтыққа шабуды мақсат еткен айтулы жарысқа Қазақстанның атынан Маңғыстаудан апарылған бес Адай жылқысы қатысып, бесеуі де олжа салып оралды. 80 шақырымдық қашықтықта Әнес Етіреков атты шабандоз баланың тақымына тиген «Бумер» атты сәйгүлік бірінші орын алды. Бұл тұлпардың алғашқы аламаны екен. 120 шақырымдық қашықтықта «Жары» атты жүйрік алдына қара салған жоқ. «Жары» бұған дейін де ат жарыстарында ысылған, Спасск-Рязанский қаласында алдыңғы жылдары өткен сайыстарда жүлде алып, былтыр Францияда сынақтан өткен тұлпар. Айта кетейік, «Жары» да, «Бумер» де Қызан ауылының тұрғыны, атбегі Бұғабай Мұқырбаевтың жүйріктері. 120 шақырымдық аламанда «Жарының» соңына ала бере, яғни екінші орында Наталья Долгихтің «Жезкиік» атты Адай тұқымды жылқысы мәре сызығын кесіп өтсе, араға бір-екі бәйге атын салып, бесінші-алтыншы орындарда тағы да Адай жылқылары – Азат Қойшиевтің «Ойлысы» мен Әбіш Етірековтің «Көкпары» шауып өте шықты. Дарья Попованың осы ат тұқымынан шыққан «Чекист» тұлпары 80 шақырымдық қашықтықты төртінші орынмен аяқтады.
Сырт келбеті көзге қораштау көрініп, сайыс басталар алдында бәсекелестер тарапынан: «Бумер, значить умер», дегендей түрлі жан жүдетер «бағалаулар» естіген қазақтың Адай жылқылары өздерін аламан алаңында танытып, шетелдіктердің жүйріктеріне шаң қаптырып оралды. Атбегілердің айтуынша, әлгі «баға берушілер» аламан соңында таңданыстарын жасыра алмай Қазақстаннан барған жүйріктердің маңында айналсоқтап көп жүріпті.
Гүлайым ШЫНТЕМІРҚЫЗЫ,
«Егемен Қазақстан».
Маңғыстау облысы.
–––––––––––––––––
Суретті түсірген
Берік ДӘУЕНОВ.
