Фото: Қорғаныс министрлігінің баспасөз қызметі
Биыл наурызда Сербияның Ниш қаласында және қыркүйек айында Ливерпульде (Ұлыбритания) топ жарып, бокстан екі дүркін әлем чемпионы атанған Алуа Балқыбекова әскери ант берді.
«Погон тағып, Қарулы күштер қатарында қызмет ету – мен үшін үлкен мәртебе. Армия орталық спорт клубында қызмет ету спортта дамуға және Қазақстанды беделді халықаралық турнирлерде танытуыма мүмкіндік берді», деді А.Балқыбекова.
Қазақ күресінен Азия додасының жүлдегері, республикалық чемпионаттардың екі дүркін жеңімпазы және V Дүниежүзілік көшпелілер ойындарының жеңімпазы Бақыт Құсақбаева да сол күні әскери ант қабылдады.
А.Балқыбекова мен Б.Құсақбаеваға қатардағы жауынгер әскери атағы берілді.
ҚР Қорғаныс министрлігі спорттың дамуына жан-жақты қолдау көрсетіп келеді.
