Ақтауда «Даму» дем берген фитнес-клубтың жұмысы жемісті жүруде

АҚТАУ. 7 тамыз. Ақтауда «Даму» дем берген фитнес-клубтың жұмысы жемісті жүруде. Бұл туралы egemen.kz тілшісі хабарлады. Ақтау қаласында теңіз жағалауындағы үш қабатты және заманауи құрал-жабдықтармен жабдықталған фитнес-клуб 2015 жылдың мамыр айында ашылған. «PR – Wellness Club» жауапкершілігі шектеулі серіктестігіне қарасты клубта демалушылар бассейнге, саунаға, фитнес-залға және кроссфит, стрип-пластика, зумба, йога сынды барлығы 30-дан астам әр түрлі секцияларға қатыса алады. 228 қатысушыға арналған клуб жобасы «Ресей Сбербанкі» ААҚ арқылы қаржыландырылған. Кәсіпкер «Пирамида» спорт кешеніне қажетті негізгі құрылғыларды алу үшін 750 млн. теңге көлемінде несие алған. Жоба «Бизнестің жол картасы-2020» бизнесті қолдау мен дамытудың бірыңғай бағдарламасына қатысу аясында пайыздық мөлшерлеменің бөлігін қаржыландыру бойынша қолдау тапты. Гүлайым Шынтемірқызы. Дерек: egemen.kz. Сурет: business-mangystau.kz.