Америкада қала мэрінің орынтағы үшін таласқа доңыз да қосылды

АСТАНА. 9 мамыр. Американың Мичиган штатындағы Флинт қаласы мэрі лауазымына үміткерлер тізімінде Гигглз ныспылы доңыз, яғни шошқа да пайда болды. Бұл туралы CBS Detroit басылымы хабарлады. Ақпарат құралының хабарлауынша, қорсылдақ жануар тізімге жергілікті адвокат Майкла Юинга (Michael Ewing) арқылы енгізілген. Ол сайлауалды жарысқа бұрын заң бұзып, сот жүзінде жаза алған екі адамның қосылғанын көргеннен кейін бұлардың қатарына шошқаның да қосылуына біраз еңбек сіңірген. Ал аталған кандидаттардың бірі бұдан алдын кісі өлтіргені үшін түрмеге отырып шыққан болса, екіншісі мас күйінде көлік жүргізіп келе жатып, ұсталып қалған екен. «Меніңше, кісі өлтірген адамның қала мэрі болуға мүмкіндік алуының өзі Флинттегі қазіргі ахуалға байланысты дабыл көтеруге тұратын жағдай», - деді Юинг өз шешімі туралы түсіндіріп тұры. Адвокат сонымен бірге, басқа кандидаттарға қарағанда, Гигглздың ақылды да сүйкімді жануар екенін атап өтті. Құрыш Нұрымбет. Дерек, сурет: CBS Detroit.