Мәскеуде сатирик жазушы Аркадий Арканов қайтыс болды

АСТАНА. 22 наурыз. Мәскеуде орыстың белгілі сатирик жазушысы Аркадий Арканов 82 жасында қайтыс болды. Бұл туралы Lenta.Ru хабарлады. Агенттіктің хабарына қарағанда, қаламгер Мәскеудегі ауруханалардың бірінде қайтыс болған. Бұған дейін жазушы екі рет «жедел жәрдем» шақыртыпты. Әуелі жұма, 13 наурыз күні Аркановтың онкологиялық аурумен науқастанып жүргеніне байланысты кеудесінде ауыра бастайды. Келесі күні ол өзін қатты жайсыз сезініп, тұншыға түседі. Ал шақыртумен келген медиктер жазушыны ведомстволық клиникалардың біріне жеткізеді. Арканов 1933 жылы 7 маусымда Киевте туған. Ол – 20-дан астам туындының авторы. Олардың арасында телевизиялық фильмдердің сценарийлері де бар. Аркановтың пьесалары бойынша Мәскеу сатира театрында спектакльдер қойылған. Ол сондай-ақ телевидениеде «Күлкі төңірегінде» («Вокруг смеха») және  «Ақ тотықұс» («Белый попугай») деген телебағдарламаларды да жүргізген. Мұрат Айтқожа.